Sanskrit Jyotish – Kumar Bhaskar Varma Sanskrit and Ancient Studies University

Sanskrit (Jyotish)

About

भारतवर्षस्य सर्वविधविकासाय ज्योतिषशास्त्रस्य संरक्षणं संवर्द्धनं प्रचारश्च नितराम् अपेक्षते। एतदर्थं जागरुकतया स्वकर्तव्यं परिपालयता असमसर्वकारेण

कुमारभास्करवर्म-संस्कृतपुरातनाध्ययनविद्याविश्वविद्यालये २०२४–२५ इति शैक्षणिकवर्षे “ज्योतिषविभाग:” इत्यस्य स्थापना कृता। भारतीयविज्ञानेष्वन्यतमं प्राचीनतमञ्चविज्ञानं ज्षोतिषमेव। वैदिककालादेवास्य शास्त्रस्य महत्वमुपयोगित्वञ्चास्माभिरनुभूयते। एतदर्थमपि ज्योतिषविभाग: भारतस्य
विशालं गणितं फलितविज्ञानं च वैभवमन्वेष्टुं रक्षितुं व्याखातुं च दृढदृष्ट्या प्राग्ज्योतिषपुरे (असमप्रदेशे) स्थापितः।
गणितान्तरिक्षभूगर्भकृषिवृष्ट्यादिविभिन्नानां विज्ञानानां सर्वप्रथमं प्रायोगिकं विवेचनं ज्योतिषशास्त्रद्वारैव विश्वस्मिन् सुप्रतिष्ठितम्। ज्योतिषशास्त्रस्य त्रय: स्कन्धा: चिरकालादेवाधुनिकविज्ञानस्याभावपूरकत्वेन तिष्ठन्ति स्म।

विभागोऽयं नैतिकमूल्यानाम्, सांस्कृतिकाचाराणाम्, प्राचीनदृष्टीनां च उद्घाटनं प्रचारं च कर्तुं संकल्पितः, येन मानवतायाः विकासाय योगदानं भविष्यति। सम्प्रति
विभागेऽस्मिन् चतुर्वर्षीयस्नातकपाठ्यक्रमः ( Four Year Undergraduate Programme), द्विवर्षीयस्नातकोत्तरपाठ्यक्रमः ( Two Year Post Graduate Programme), ‘ज्योतिषशास्त्र परिचयः’ इति विषये प्रमाणपत्रीयपाठ्यक्रमश्च वर्तन्ते।

: kbvsasun@rediffmail.com

: Nalbari, Assam, India